खोडि़यां के गीत

साहेन पद के षाह जी, शाहन के श्री छत्र
दषरथ जी का पौत्र है, मित्तल जिनका का गोत्र

म्हारै राम चन्द्र जान गया, कजलोटी ए
जोयड़ ने किसनै सौंप गया, कजलोटी ए
बहना की चैकी बिठाए गया, कजलोटी ए
बहन तो पड़कै सोये गई, कजलोटी ए
आया सुनरे का बेटा कजलोटी ए
नैनमटक्का कर गया कजलोटी ए

पहियां गीरड़ गीरड़ कै जाए जी, घर कृश्णां कै जाए जी
आगै जोयड़ ठाडी बैठी आगे मोटी बैठी
उन गोड़ा लिया अडाए जी
गौडै सेती गोड़ा अड़ ग्या, टाँग रही बलखाए जी
पहियां गीरड़ गीरड़ कै जाए जी

किसया की औ मैड़ी, किसया के चुबारे
समधी जी की ओमड़ी, दसरथ जी के चुबारे
लिंपु धरूँ चुबारे

किसीया की है मिमणी, बोल्लै म्याँ म्याँ म्याँ
किसीया का है बोकड़ा, बोलै भों भों भों
समधी जी की है मिमणी, बोल्लै म्याँ म्याँ म्याँ
दसरथ जी का है बोकड़ा, बोलै भों भों भों

किसया की पोल्या बोल्या जी मणियार लला
किसया कूक बुलाया जी मणियार लला
नन्द जी की पोल्या बोल्या जी, मणियार लला
बाई सुभद्रा कूक बुलाया जी, मणियार लला
बहु राधा पहरण बैठी जी, मणियार लला
एक हरा ये पट्टा, एक लाल पट्टा
जंगाली बन्द लगाया जी, मणियार लला

ऐ री बुआ क्यू भतीजा
टक्का पैसा जोड़कै मेरा ब्याह करदे
नहीं तो सुन्दर की बहु न लैकै भाग जाऊंगा
वा तो सुणी घणी रे मेरा लाल दाई म्हारी बांवरिया
तेरी जोड़ी ना जचीरे रे मेरा लाल, दाई म्हारी बांवरिया
ऐ री बुआ क्यूं भतीजा

देन चली, देन चली, सासु जी नै बाणा देण चली ।
मोड़ दिया मोड़ दिया, सासु जी नै बाणा मोड़ दिया
मत जाइयो, मत जाइयो, सासु जी की गलियाँ मत जाइयो
देन चली, देन चली, जीठाणी नै बाणा देन चली
मोड़ दिया मोड़ दिया, मेरा षुभ का बाणा मोड़ दिया
मत जाईयो, मत जाईयो, जिठानी की गलियाँ मत जाईयो
देन चली, देन चली, ननंदी नै बाणा देन चली
ले लिया ले लिया मेरा षुभ का बाणा ले लिया