गीत भांग रतिजगा का
सोने-चाँदी का दोये हलिया जुड़ा दो जी साहेबा भांग बिजा दो,
म्हारै राजन नै भांग प्या दो जी।
सोने-चाँदी का दोऐ खुरपा मंगा दो जी, साहेब भांग कटा दो,
म्हारै राजन नै भांग प्या दो जी।
सोने-चाँदी का दोय कुंडा मंगा दो जी, म्हारी भांग घुटा दो,
म्हारै राजन नै भांग प्या दो जी।
पाँ रुपैे का दोय छलणा मंगा दो जी, साहेब भांग छणा दो,
म्हारै राजन नै भांग प्या दो जी।
एक प्याला म्हारै गणेष नै प्यादो जी,
एक प्याला म्हारै षिवजी नै प्या दो जी
म्हारै राजन नै भांग प्या दो जी
एक प्याला म्हारै देवी-देवता नै प्यादो जी,
एक प्याला म्हारै हनुमत नै प्या दो जी,
एक प्याला म्हारै भूले-बिसरै नै प्यादो जी,
उनके सेवकां नै अधर नचा दो,
म्हारै राजन नै भांग प्या दो जी।
एक प्याला म्हारै सीताराम नै प्या दो जी,
उनकी लुगाई नै अधर नचा दो,
म्हारै राजन नै भांग प्या दो जी।
एक प्याला म्हारै राघव न प्या दो जी,
उनकी मां को अधर नचा दो जी, म्हारै राजन नै भांग प्या दो जी
उनकी दादी नै अधर नचा दो, म्हारै राजन नै भांग प्या दो जी।
more
